AWESK dhe USAID Bashkëpunojnë për Përmirësimin e Aftësive të Komunikimit dhe të Folurit Publik për Gratë në Sektorin e Energjisë në Kosovë

Shoqata e Grave në Sektorin e Energjisë në Kosovë (AWESK), në bashkëpunim me USAID-in, organizuan së fundmi një trajnim për komunikim dhe për të folurit në publik. Kjo iniciativë kishte për qëllim të ndihmojë anëtaret e AWESK-ut në avancimin e  aftësive efektive të komunikimi për të theksuar, promovuar dhe edukuar të tjerët rreth misionit të tyre. Objektivi kryesor i trajnimit ishte ngritja e kapaciteteve të anëtareve për të artikuluar me sukses rolin, përgjegjësitë dhe ndikimin e AWESK-ut, dhe për të lehtësuar shpërndarjen e ekspertizës së tyre si brenda komuniteteve ku veprojnë, po ashtu edhe brenda vendeve të tyre të punës. Trajnimi përfshiu teknikat e komunikimit dhe prezantimit, duke trajtuar mënyrat më të mira për të dhënë prezantime dhe fjalime publike tërheqëse dhe të domethënëse. Gjatë trajnimit praktik, bashkërisht u trajtuan mundësitë se si anëtaret e AWESK mund të përshtatin lehtësisht komunikimet e tyre për audienca të ndryshme, duke vendosur objektiva dhe duke përshtatur mesazhet e tyre në përputhje me rrethanat.